Posts Tagged ‘sommer

20
Mar
10

Afgesit

6 Augustus 2009

Lank, lank gelede het ek mos ‘n boerbok-boer vreeslik gelike.  Ag, hy was vir my die mooiste ding op twee bene.  Donker oë, blas vel, swart hare.  En so diep.  Ai.  Ek het die skoot baie hoog deurgehad…tot die dag dat my broer my gevra het of ek al opgelet het dat hy nes ‘n boerbok lag?  :shock:

Nes my boerbok-boer se laggie skielik nie meer so melodieus geklink het nie, het Eelt dit nou suksesvol reggekry om my van…snik…Steve te genees.  Dit kon seker nie ware liefde gewees het nie…  :roll:

Hulle sê mos die gouste manier om oor ‘n man te kom, is ‘n ander man.  :lol:

Advertisements
20
Mar
10

Mr Rock and Roll

4 Augustus 2009

As Lily Allen se Its not fair eers in my kop is…  :evil:

Miskien verjaag Amy MacDonald daai stupid tune.  :wink:

Amy Macdonald – Mr Rock & Roll Lyrics

So called Mr Rock And Roll
Is dancing on his own again
Talking on his phone again
To someone who tells him that his balance is low
He’s got no where to go
He’s on his own again

Rock chick of the century
Is acting like she used to be
Dancing like there’s no one there
Before she never seemed to care
Now she wouldn’t dance
It’s so rock and roll to be alone

And they’ll meet one day
Far way
And say Hey I wish I was something more
And they’ll meet one day
Far away
And say Hey I wish I knew you, I wish I knew you before

Mrs Black and White
She’s never seen a shade of grey
Always something on her mind
Every single day
But now she’s lost her way
And where does she go from here

Mr Multicultural
Sees all that one can see
He’s living proof of someone
Very different to me
But now he wants to be free
Free so he can see

And they’ll meet one day
Far way
And say Hey I wish I was something more
And they’ll meet one day
Far away
And say Hey I wish I knew you, I wish I knew you before

He says I wish I knew you, I wish I met you, when time was
still on my side
She’ll say I wish I knew you, I wish I loved you before I
was his bride

And so they must depart
Too many more a broken heart
But I’ve seen that all before
In TV, books and film and more
And there’s a happy ending
Every single day

And they’ll meet one day
Far way
And say Hey I wish I was something more
And they’ll meet one day
Far away
And say Hey I wish I knew you, I wish I knew you before

20
Mar
10

Ai tog. Die Amerikaners darem.

3 Augustus 2009

Ek is seker daar is WordPressers wat hulle hande saamslaan dat ek met ‘n inskrywinkie oor jaffel-panne vandag stewig in die nommer 1 posisie op die Hit Parade is.  :lol:

Toemaar, ek slaan my eie hande saam.  Ek kon self nie my skielike gewildheid onder die Yanks glo nie, maar het darem agter die kap vannie byl gekom.

Verlede jaar het ek geskryf oor die Miss Landmine Pageant in Angola.  Hierdie jaar word dit in Kambodia (is dit die Afrikaans vir “Cambodia”?) aangebied.  Die regering het ‘n stokkie daarvoor gesteek omdat dit die waardigheid van mense met gebreke skend.  Die stemmery duur egter voort op die internet, en ek neem aan dis waar die arme mense verkeerd gegaan het.  Nie dat ek kla nie.  Het  vandag my vorige rekord gebreek.  :mrgreen:

Terwyl ek besig is met my speurwerk, sien ek ‘n paar interessante soekterme wat nog ‘n paar mense na my gebring het.

benodighede om op ‘n eiland te oorleef: Ek help graag! In volgorde van belangrikheid:

Tandeborsel & tandepasta

Maskara

Lip ice

Sonskerm

En ag, as jy nog plek het, ‘n knipmes.

wat om te doen as jy verlief raak op jou:

boetie?

nefie?

vriendin?

man se vriend?

seun se vriend?

Ek het regtig meer inligting nodig om van hulp te wees…  :lol:

steve hoffeyr klippie in my skoen: Ja, ‘n man word maklik ‘n kippie in ‘n mens se skoen.  Maar nie Steve Hofmeyr nie, nê?

20
Mar
10

Jaffel-pan

3 Augustus 2009

Kry mens nog ‘n regte, egte outydse jaffelpan te koop?  :roll: Indien wel, wáár?  (Ek weet nie eens of dit die regte spelling is nie!)  :lol:

Vandat ek my man ken, hoor ek hoe graag hy weer ‘n jaffelpan wil hê.  Ek het nog nooit in enige winkel ‘n jaffelpan gesien nie.  Dalk het dit oorbodig geraak die dag toe snackwich-makers die lig gesien het?

(Nou grawe ek ‘n gat vir my eie gat.  Daar is nie juis vierkantige brode in Angola nie.  Ek wonder wie die gelukkige outjie gaan wees wat brood moet bak vir die jaffels?)  :shock:

20
Mar
10

Belydenis

1 Augustus 2009

Vanoggend gaan staan ek, baie ingedagte, in die ry by Spar.  Toe ek kyk, sien ek dat ek mooitjies agter my swaer gaan staan het.  As ek enigsins by my positiewe was, sou ek in ‘n ander ry gaan staan het.  Natuurlik het hy my raakgesien, en natuurlik het ons gekoeitjie en gekalfie.  Wel wetend dat nie een van ons dit bedoel het toe ons mekaar ‘n lekker naweek toewens en groet nie.

Ek het nie baie liefde vir my swaer nie.  Hy is nie ‘n slegte ou nie, maar…  Ons het ‘n geskiedenis van baie jare gelede.  Dit sal nooit reggepraat kan word nie.  Eintlik wil ek dit ook nie reg hê nie.  Dit pas my om hom net een of twee keer ‘n jaar te sien, al bly ons in dieselfde dorp.  As my man kom kuier, nooi ons hom vir ete en gesels asof daar nie fout is nie.  Vir my is dit genoeg.

Ek en my een broer praat ook nie.  Vir seker twee jaar al.  Ek haat hom nie, is ook nie kwaad vir hom nie.  Voel net niks.  Hy is tien jaar ouer as ek, en my hele lewe lank het ek hom aanbid.  Elke woord geglo wat hy gesê het.  Toe kry ek my verstand.  Hy is ook nie ‘n slegte ou nie.  Hy is ‘n goeie man en pa en ‘n upstanding citizen in sy gemeenskap.  Hy add net nie value tot my lewe nie.  Hy het my ‘n paar keer al probeer bel, maar ek het net altyd die foon doodgedruk.  Vir lank het ek geglo bloed is dikker as water.  Familiebande moet ten alle koste behou word.  Nie meer nie.  My sielerus is meer belangrik.

My pa was ‘n bliksem en het verseker nie al sy varkies op hok gehad nie, maar dis een ding wat ek by hom geleer het.  As iemand jou nie gelukkig maak nie, of omkrap en  kwaadmaak, maak of hulle nie bestaan nie.  Dis nou nie asof ek ‘n hele klomp mense het wat ek ignoreer nie, darem ’net’ my swaer en broer.  En dit was eers na baie probeer en praat en oorsien.

Ja,  nie baie Christelik nie.  Ek het dit net nie in my om ‘dinge reg te maak’ nie.  Want ek wil eenvoudig nie.  Ek troos myself daaraan dat ek hulle nie kwaad toewens of haat nie.  Daar is slegs ‘n groot nothingness in my hart as ek aan hulle dink.

Dalk kry ek eendag my verdiende loon hiervoor.  :wink:

20
Mar
10

Hoe ry die boere

28 Julie 2009

Dis een van die video’s wat op Solidariteit se sTube, soortgelyk aan YouTube, te sien is.  :wink:

20
Mar
10

Nog steeds ‘n boerin

28 Julie 2009

FT

Ek boer nou net so af en toe by Farmtown, maar ek doen nie veel op my plasie nie.  Die waterval staan nog steeds halfklaar en dreig om my landerye te oorstroom, en my blomme sou al lankal gevrek het as een of ander samaritaan nie natgegooi het nie.  Nee, as ek ‘boer’, gaan ek mark toe.  Dís nou ‘n interessante plek!

farm3

Ek luv dit om net so stil te staan en kyk wat die mense alles kwytraak.  Eenkeer het ‘n boer en boerin amper teen mekaar gestaan.  Skielik begin sy met hom praat.

“U’re very short, u know.”

“Yeah, I’m vertically challenged.”  Ek giggel so by myselwers.

Daar is ‘n rukkie stilte, en dan begin sy weer.  “And my head is also bigger than yours.”  Nou lag ek regtig.  Kort voor lank vra die een waar die ander een bly, en toevallig is dit ook nie ver uitmekaar nie. (Êrens in die US of A)  Hy vertel hy het onlangs getrek na dorpie X.

“Oh, my husband’s got a lakehouse there.”

So oor die kuberruim kon ek die skielike kilte voel.  Hy bly net stil.

Sy probeer weer:  “Well, not really my husband.  My boyfriend.”

Sekondes later is hy weg.  Ai.  En ek het gehoop dit was die geboorte van ‘n internetromanse wat ek dopgehou het.

Is ek die enigste een wat grensloos geïrriteerd is met die “Texas Gal”  en “Aussie Hotpants”?  Ek het nou al so gly gevang in enige avatar wat iets “Texas” of “Aussie” is.  Hulle is die windgatse, lawaaierigste klomp op die mark.  As ek hulle op die mark vang, verkas ek na die volgende een.  Niemand kry tog ‘n woord in as die poppies so heen en weer prance nie.  Maar nou die dag huur ‘n regte dame van West Virginia my.  Dierbaarheid vanself.  Laat my alleen die pynappels en pampoene oes, en huur my agterna vir ploeg.  Om die kersie op die koek te sit, roep sy agterna haar seun, Buddy, om my ook vir sy plaas te huur.  Sy volg my na sy plaas en ons begin gesels.  Die resessie het hulle sleg gevang.  Haar man het in April laas gewerk, en hulle is op die punt om hul huis te verloor.  Vir die eerste keer het ek besef daar is regtig mense agter die immer-glimlaggende mannetjies en vroutjies.

Farmtown sorg regtig vir pret.  Nou die dag het ek ‘n klomp slawe gaan huur om my raspberries te oes.  My man was ook daar, maar ons het net gesit en koer vir mekaar – natuurlik in Afrikaans.  Die volgende oomblik chirp een van die oesers in met “Dis lekker om te sien hier is ook ‘n paar Boere.”  Eish.  Ek het nie geweet waar om my kop in te druk nie.

‘n Ander keer volg ‘n klein Fillistyn Fillipyn my van die mark plaastoe.  Ander kere druk ek sommer die “ignore”-knoppie, maar ek was in een van my vriendelike buie, en groet hom.  Hy “hi” toe ook maar, maar staan verder met sy bek vol tande.  Ek gaan aan met my saaiery, en skielik begin die outjie chat.  Vanwaar is ek?  Hoe laat is dit nou hier?  Ek antwoord maar ordentlik, maar toe hy vir my sê “i’m 22. how old r u?”, toe voel ek koue rillings teen my rug afloop.  “62″, seg ek ewe prim en proper.  Daar was ‘n rukkie stilte, en toe maak hy sy retreat.  “ok. i must go now.  bedtime here”  Hahahaha!!  Nie lus gewees vir ‘n stokou antie nie!

Mens kry ook die peste met beter bedside manners.  ‘n (Blêddie) Aussie huur my ook op ‘n kol.  Die praatjies begin  vinnig.  Vanwaar is ek?  SA, en jy?  Australia.  Grrrr, sê ek vir hom.  Ons is eintlik aartsvyande.  Bwhahaha, lag hy.  Ek moenie worry nie, sy girlfriend is ook ‘n Suid-Afrikaner.  (So asof dit my sal laat beter voel, maar nou ja.)  Volgende wil hy weet wat my naam is.  Ek slaan weer in ‘n koue sweet uit, maar vertel hom maar.  En hoe oud is ek?  Toe vererg ek my en vertel hom mooi mens vra nie ‘n dame haar ouderdom nie.  Hy lag weer uitbundig.  Daardie reël geld glo nie as mens nie face to face is nie. Gelukkig het die server my kort daarna afgeskop.

Die snaakste is wanneer die mense dink hier loop regtig leeus en goed rond.  Ek probeer my bes om hulle bietjie op te voed, maar partykeer is alles teen my.  Soos vanoggend toe ek bietjie gaan xp’s soek het.  ‘n Gawe girl huur my om te ploeg, en dis ‘n gróót plaas.  Ek kan al sien hoe level 32 naderkom.  Skielik sien ek die boom (by my rêrige voordeur) is vol van die blêddie blou-ape.  Die skuifdeur staan oop.  Die vensters is oop.  Ek raak erg benoud.  Moet ek verskoning maak en ape gaan verjaag – en my werk verloor- of moet ek aangaan en later met die nagevolge sit?

Common sense het prevail.  Ek het die deure en vensters gaan toemaak.  Ek wonder net wat haar reaksie was op my verskoning?

“Sorry, but I have to go and chase the monkeys.”




Statistieke

  • 25,284 keer gelees
April 2018
M D W T V S S
« Mar    
 1
2345678
9101112131415
16171819202122
23242526272829
30  
Advertisements