Posts Tagged ‘Diere

20
Mar
10

Anna

30 Julie 2009

Anna, die worshond, bly nou by ons.  Ja, ek het maar op haar besluit in plaas van ‘n tweegat skaapsteker.  :lol: Grappie.  Pieter het by Ouma geneul en geneul hy soek haar ‘puppy’, en Ouma sê min kere ‘nee’ vir haar kleinseun.  Dis natuurlik nie ‘n permanente reëling nie.  Sodra ons Angola toe gaan, kry Ouma haar hondjie terug.

Gelukkig is Anna by ons net so tuis as by Ouma.  Ons kyk genoeg na haar as haar Ounooi rondrits.  Maar die hond wat pal in die huis is, gaan my nog teen die mure uitdryf.  Ek is nie ‘n hond-mens nie, maar die hond is ‘n vroumens-hond.  Al loop my hart nie juis oor van liefde vir haar nie, kan ek ook nie ‘n asempie wat so smeek vir aandag, ignoreer nie.  Sy het haar mandjie waarin sy slaap, maar as die mandjie in my omgewing is nie, lê sy nie in hom nie.  As ek loop, volg sy my.  As ek sit – en die mandjie is nie naby nie – kom lê sy op my voete.  By Ouma is banke off-limits.  By my  het sy agtergekom, nes die kinders, dat dissipline nie baie konsekwent toegepas word nie.   As ek saans voor die tv lê, spring sy soos ‘n madam op en kruip onder die kombers in, styf teen my bene.  (Hmm.  Eintlik is dit lekker. So snoesige  klein warmwaterbotteltjie.)

Sy verdra Pieter, maar sy hou nie van kinders nie.  As Pieter se twee trawante kom speel, is hier chaos.  Dis wanneer ek maar êrens gaan lê en lees of tv kyk.  Net sodat sy onder die kombers kan wees en die kinders nie sien nie.  Dit stop haar egter nie om kort-kort te grom nie.  Nie dat sy hulle sal byt nie, maar hulle wil met haar speel en dis duidelik sy hou niks daarvan nie.  En ‘n rassis is sy verseker.  Klein (wit) Kyle kan instap en Anna sal niks doen nie.  Laat arme (swart) Thabiso sy voete oor die drumpel sit…  :shock: En van al die kinders is hy die stilste.

Ek hou alreeds nie daarvan om my kinders kos te gee nie, nou moet ek nog ‘n mental note maak om seker te maak sy het kos en water.  Om haar gereeld ‘n draai te laat stap.  En die ewige ‘walkies’…   :evil: Pieter wil net met haar gaan stap, en sy is so klein vetgat, dis seker goed vir haar.  Maar dis ‘n marteling.  Sy hou ook daarvan – op ‘n manier – maar na ‘n ruk is al die karre en mense vir haar te veel.  Dis wanneer sy summier omspring en met spoed terug huistoe jaag.  Maak nie saak hóé sy haarself wurg aan die leiband nie, sy sleepons huistoe.  Nou die dag het sy losgeruk, en reguit straat toe gehardloop.  Mens kan jouself ook  vergat ter wille van hond en kind se welstand.  Ek het soos ‘n mal ding agter haar aangehol, maar sy was te vinnig.  Op die ou einde het ek op die leiband, wat agter haar aangesleep het, gespring.  Dit het haar gestop in haar spore, maar seker die verbygaande motoriste ook iets gegee om oor te lag.

Ons paspoorte is ingestuur vir visums.  Hemel, en nou hoor ek dit neem 25 dae.  Dis ek en die hond vir nog ‘n maand… :roll:

Anna en baba Pieter, een hetige dag

Anna en baba Pieter, een hetige dag

Advertisements
27
Feb
10

Skaapsteker vs Wors

22 Julie 2009

My stressvlakke is nou sky high as gevolg van die vreeslike crime wave wat ons land getref het.  Saans bly ek wakker tot 2, 3 uur in die oggend – want ek reken dan sal die meeste skollies van die straat af wees.  Maar dit maak mens baie moeg.  Bedags kan ek nie my oë oophou nie.  Êrens het ek gelees mens moet iets daadwerkliks doen aan jou situasie, en dis wat ek gaan doen. Ek meen, diesel hou ook net so lank in water, dan nie?

As mens so bietjie begin kyk na jou opsies, dan raak dit baie moeilik om te besluit.  Soos in my geval nou.  Op seker dieselfde plek, het ek gelees dat ‘n kefferbrakkie ‘n goeie afskrikmiddel is.  My ma se worshond, Anna, kwalifiseer as ‘n kefferbrak.  Sy sit ‘n vreeslike keel op vir enige ding wat leef of beef.

Anna was eers ‘n Ingelse hondjie, genaamd Angie.  My moeder het haar oorgeneem en die hond summier herdoop na Anna.  Vandag verstaan Anna geen woord Rooitaal meer nie.  ‘n Goeie, stoere Boerebrak.  Maar Anna is ook ‘n vieslike klein rassis.   Ek dink dit is sommer net in haar gene, want niemand het haar die onderskeid tussen mense geleer nie.  Nou, my ma is ook baie besorg oor haar nasate, en het aangebied dat ons Anna kan oorneem.  Alles goed en wel, maar Anna is besonder lawaaierig.  Verder skuie sy soms in die huis.  En die alewige ‘walkies’ irriteer die wille waks uit my uit.  Hondehare oral op die banke is ook nie baie aantreklik nie.

‘n Ander opsie wat Andrew so gaaf was om onder my aandag te bring, is ‘n slang.  Nie sommer enige slang nie, mind you. ‘n Skaapstekertjie.  Mense mag dit dalk bevraagteken, maar na my intensiewe navorsing oor die Skaapsteker, is ek sommer baie beïndruk met die slangetjie.

‘n Skaapstekertjie is aggressiewe klein slangetjie, en dis wat mens soek.  Verder kan mens hom seker arrogant ook noem, hy meng nie sommer met enige hierjy en sy maat nie.  Wat ook ideaal is.  Anders as Anna, wat ‘n sekere deel van die bevolking sonder ‘n blaf sal toelaat, is die Skaapsteker meer puntenerig.  Geen onderskeid tussen mense word getref nie.  Al iAfrika se boorlinge is ewe ongewild.

Wat die klein Skaapsteker egter so uniek maak, is die feit dat hy baie veelsydig is.  Mens kan hom glo tot baie ingewikkelde goed aanleer.  My jinne.  Ek sien al in my geestesoog hoe my klein Skaapsteker hom saans op die rusbank tuismaak met die tv-remote langs hom.  Met die punt van die stert kan hy skuif van CNN, na Sky News, na E-tv en so op hoogte bly van die vreeslikheid wat in ons wêreld aangaan.  (Nota aan self:  ek moet hom net nie die reiskanale leer nie.  Netnou loop soek hy ‘n plek wat rustiger is.)  Later kan ek hom selfs leer om rondom middernag die nuwe misdaadstatistieke op die Beeld te gaan lees.

Die enigste minder goeie eienskap van die Skaapsteker, is dat hy eintlik nie daarvan hou om alleen te operate nie.  Nee, hy hou van ‘n side-kick.  Dalk net ‘n titseltjie korter as hy, maar met net soveel spunk.  As die een se moed en spoed opraak, vat die ander een oor.  En as die battle dalk te erg raak vir een, kan die ander een ook inspring en hom ondersteun.

Gelukkig het ek nie livestock nie, want nog ‘n aardige gewoonte van die Skaapsteker is om enige ding met ‘n tiet te bespring en te suie dat die melk skuim in sy mondhoeke.  Maar, wie weet.  As die dingetjie regtig so goed en slim is, sal ek dalk vir hom ‘n bok-ooi aanskaf.  Die een hand was mos die ander hand. Of so iets.

As gevolg van hulle intelligensie, is die  Skaapstekers vreeslik gewild oorsee.  Almal wil ‘n klein Skaapsteker hê.  Mens kan dus nie net die Karoo binnevaar en vir jou een vang nie.  Nee, genade.  Die situasie is nou al so erg dat as jy regtig ‘n Skaapsteker wil hê, jy hom basies van oorsee af moet invoer.  Verskriklike skande, as jy my vra.  Die grootste konsentrasie Skaapstekers vandag is nie meer in Suid-Afrika nie, maar in Perth en omgewing.

So, hier sit ek nou.  Besluite, besluite.  ‘n Kort, dik worshond, of  ‘n lang  slang?




Statistieke

  • 26,445 keer gelees
November 2018
M D W T V S S
« Mar    
 1234
567891011
12131415161718
19202122232425
2627282930  
Advertisements